ಗಮನಿಸಿ ... ಬೇಕಿದ್ದರೆ ಪ್ರತಿಕ್ರಿಯಿಸಿ

ಗಮನಿಸಿ

• ಭೂತವನ್ನು ಹೆಕ್ಕದೆ ಭವಿಷ್ಯವನ್ನು ಮುಕ್ಕದೆ ವರ್ತಮಾನವನ್ನು ಲಕ್ಷಿಸುವ ಮನುಷ್ಯನೂ ಕೂಡ ಕೇವಲ ವೀಕ್ಷಣೆಗೆ ಯೋಗ್ಯ, ಅನುಕರಣೆಗಲ್ಲ.
• ಎಲ್ಲರೂ ಬದುಕುವ ಬದುಕು ಯಾರೊಬ್ಬರಿಗೂ ಮಾರಕವಾಗಿರದು, ಪೂರಕವಾಗಿರದು ಪ್ರೇರಕವೂ ಆಗಿರದು.
• ಸ್ಪರ್ಧೆಯಿಲ್ಲದ ಬದುಕು ಶ್ರದ್ಧೆಯಿಂದಿರಬೇಕು.
• ‘ಸ್ಪರ್ಧೆ’ಯ ಬಗ್ಗೆ ಶ್ರದ್ಧೆಬೇಡ.
• ‘ಸ್ಪರ್ಧೆ’ಯು ಮನುಕುಲದ ಮಹಾಮಾರಿ.
• ‘ಸ್ಪರ್ಧೆ’ಯು ಹಿಂಸೆಯ ಸೌಮ್ಯ ಸುಂದರ ಮುಖವಾಡ.
• ಈರ್ಷೆ, ಅನೀತಿ, ಅಸೂಕ್ಷ್ಮತೆ, ಹಿಂಸೆ, ಮೋಸ ಮುಂತಾದವುಗಳು ಸ್ಪರ್ಧೆಯ ಪರಮಾಪ್ತರು.
• ಬದುಕನ್ನು ಅನುಕರಿಸಬಾರದು, ಸುಮ್ಮನೇ ವೀಕ್ಷಿಸಬೇಕು.
• ವಾಸ್ತವದ ಬದುಕು ವಿಸ್ತಾರವಾಗಿರಲಿ, ಇಂದಿನ ಬದುಕು ನಿನ್ನೆ-ನಾಳೆಗಳಿಂದ ಮುಕ್ತವಾಗಿರಲಿ.
• ಇಂದು ಬದುಕಲು ನಿನ್ನೆ-ನಾಳೆಗಳ ಹಂಗೇಕೆ?
• ಇಂದು ಎಂಬುದು ನಿನ್ನೆ-ನಾಳೆಗಳನ್ನು ಬೇರ್ಪಡಿಸುವ ಸುವರ್ಣರೇಖೆ.
• ಬದುಕಿನ ಏರಿಳಿತಗಳನ್ನು ಇಳಿದೇರೋಣವೇ ಗೆಳೆಯ.
• ನಿನ್ನೆಯ ಪ್ರಪಾತ ನಾಳೆಯ ಪರ್ವತ ಇವುಗಳ ಮಧ್ಯದತಾಣವೇ ಇಂದು.
• ಭೂತ-ಭವಿಷ್ಯಗಳ ಸುಳಿಗೆ ಸಿಲುಕುವವನು ವರ್ತಮಾನವನ್ನು ಬಲಿಕೊಡುತ್ತಾನೆ.
• ಮನುಜನ ಬದುಕು ಎಂಬುದು ಭೂತವೂ ಅಲ್ಲ, ಭವಿಷ್ಯವೂ ಅಲ್ಲ; ಅದೊಂದು ಬರೀ ವರ್ತಮಾನಮಾತ್ರ.
• ಕಾಲಗಳು ಎರಡೇ: ಅವೆಂದರೆ ಒಂದು ಭೂತ ಇನ್ನೊಂದು ಭವಿಷ್ಯ ಎಂದು ವಾದಿಸುವವರು ವರ್ತಮಾನದಲ್ಲಿ

ಎಂದೂಬದುಕರು.

• ಭೂತ-ಭವಿಷ್ಯಗಳ ಹೊರೆ ಹೊಂದಿರದವರು ವರ್ತಮಾನದಲ್ಲಿ ಅರಳಬಲ್ಲರು.
• ಭೂತ-ಭವಿಷ್ಯಗಳನ್ನೆಂದೂ ಬದುಕಲಾಗದು.
• ಇಂದ ಎಂಬುದು ನಿನ್ನೆ-ನಾಳೆಗಳ ಮಧ್ಯಬಿಂದು.
• ನಿನ್ನೆ-ನಾಳೆಗಳನ್ನು ಸರಿದೂಗಿಸುವುದೇ ವರ್ತಮಾನ.
• ಬುದ್ಧಿಯು ವರ್ತಮಾನದಲ್ಲಿ ಮಗ್ನವಾಗಿದ್ದಾಗ ಅದನ್ನು ನಿನ್ನೆ-ನಾಳೆಗಳು ಬಾಧಿಸುವುದಿಲ್ಲ.
• ಇಂದಿನ ಅಂಚುಗಳೇ ನಿನ್ನೆ-ನಾಳೆಗಳು.
• ಇಂದಿಗೆ ಹಿಂದು ಮುಂದು ಗಳು ಬೇಡವೆಂದಲ್ಲ, ಆದರೆ ಅವು ಬೇಕೇ ಎಂದೇನಿಲ್ಲ.

· ಇತಿಹಾಸವಿಲ್ಲದವನಿಗೆ ಭವಿಷ್ಯವಿಲ್ಲ ಎಂಬ ಮಾತಿನಲ್ಲಿ ಮನುಷ್ಯನಿಗೆ ವರ್ತಮಾನಮಾತ್ರ ಇದೆ ಎಂದು ಸಾರುತ್ತದೆ.

• ಭೂತ ಕೈಜಾರಿದ್ದು, ಭವಿಷ್ಯ ಕೈಮೀರಿದ್ದು ವರ್ತಮಾನಮಾತ್ರ ಕೈಯಲಿರುವಂಥದ್ದು.
• ಇತಿಹಾಸವು ಭವಿಷ್ಯವನ್ನು ನಿರ್ಮಿಸುತ್ತದೆ ಎಂದು ಭ್ರಮಿಸಬಾರದು.
• ಇಂದು ನಾಳೆಯಾದೀತು, ಇಂದು ನಿನ್ನೆ ಯಾದೀತು, ಆದರೆ ‘ನಿನ್ನೆ-ನಾಳೆ’ಗಳು ಇಂದಾಗದು.